Шест студенти на Факултетот за туризам и бизнис логистика при Универзитет „Гоце Делчев“ - Штип учествуваа и освоија медали, пехар и признанија на Третиот интернационален гастрономски натпревар „Гастромак 2018“, што се одржа од 8 до 12 октомври во хотел „Вила парк“ во Струмица.

Со потпишување на Меморандум за соработка, Универзитетот „Гоце Делчев“ – Штип и државниот Универзитет „Хаџи Зека“ во Пеќ (Косово) отворија можности за соработка на повеќе полиња од образовната и научноистражувачката област. Според ректорот на Универзитетот во Пеќ, проф. д-р Фадил Милаку, двата универзитета имаат големи можности за соработка.

Од 14 до 17 јуни во Ниш, Република Србија, се одржа Петтиот меѓународен гастро-туристички фестивал, во организација на Здружението на угостителски и туристички работници во Ниш, а истиот е под покровителство на  Министерството за трговија, туризам и енергетика на Република Србија, Туристичката организација на градот Ниш, Кулинарската федерација на Србија и WACS – World Association of Chefs Socities (Светската асоцијација на шефови на кујни).

Студентите на Факултетот за туризам и бизнис логистика - Гевгелија, од насоките Туризам, Бизнис логистика и Бизнис администрaција, традиционално учествуваа нa 12.  манифестација „Смоквијада 2018“, која се одржа на 1.9.2018 година.

Во периодот од 10.6.2018 до 12.6.2018 година, проф. д-р Билјана Попеска од Универзитетскиот спортски центар при УГД и ас. м-р Цветанка Ристова од Факултетот за туризам и бизнис логистика учествуваа на првиот Спортски форум организиран од Одделението за спорт при Софискиот универзитет „Св. Климент Охридски“ во Паничиште, Република Бугарија.

Согласно со Програмата за развој на туризмот на Република Македонија за 2018 година, Министерството за економија објави Јавен повик за избор на најдобри бизнис идеи за туризам креирани од студенти на факултетите за туризам. Повикот траеше до 30.4.2018 година и за овој Повик беа пријавени шест апликации.