Седмиот Меѓународен конгрес „HOTELPLAN 2018” беше одржан на 2 и 3 ноември во Белград, во организација на Високата хотелиерска школа во Белград.

Главна тема на конгрeсот беше „Hospitality as a quality factor of tourist destination offer and competitiveness”. На конгресот учествуваа доц. д-р Марија Магдинчева-Шопова и асистент-докторанд м-р Цветанка Ристова од ФТБЛ. Доц. д-р Магдинчева-Шопова се претстави со труд под наслов „Development of rural tourist destinations through the entrepreneurship in the Republic of Macedonia”, додека м-р Ристова го претстави трудот под наслов „Transforming hospitality in the digital era, factor for competitiveness in the tourist destination”.

На конгресот учествува учесници од 14 земји, со повеќе од 90 стручни и научни трудови. Своја презентација на конгресот имаа и бројните соработници на Високата хотелиерска школа, како: Hotel Squere Nine, Mandarina cake shop, Toplicki vinogradi, Java coffee, Hotel M, но и средните угостителски стручни школи: Угостителско-туристичка школа - Белград, Средна туристичка школа - Нов Белград, Угостителско-туристичка школа - Врњачка Бања и Средна туристичка школа „Светозар Милетиќ“ - Нови Сад.