Студенти и професори на ФТБЛ учествуваа на работилница за гастрономија, организирана од страна на Амбасадата на Италија во Република Македонија во соработка со здружението „Гастро Мак“.

Оваа иницијатива на  Амбасадата на Италија е во рамките на Неделата на италијанска кујна во светот (19-25 ноември), а Италија како земја организира серија настани со кои се промовираат италијанската еногастрономска култура и традиција, со посебен акцент на богатството на специјалитети и состојки типични за италијанските региони, нивната историја и традиција. Оваа иницијатива е од светски рамки, организирана под покровителство на италијанското Министерство за надворешни работи, која се прославува со преку 1000 настани во повеќе од 130 земји во светот. По тој повод, во Македонија престојуваше светски познатиот готвач од Италија г. Кодиспоти, кој одржа курс за професионални готвачи, студенти и ученици на тема „Италијанска паста и рижото“, во просториите на средното угостителско-туристичко училиште „Лазар Танев“ во Скопје.