Во периодот од октомври 2022 до јануари 2023 година се одржа петтото изданиe на Mindspace University на тема „Agritech & Foodtech”, каде што м-р Младен Мицевски, студент на ФТБЛ, учествуваше со своја бизнис-идеја.

Градоначалникот на општина Богданци, Блаже Шапов, деканот проф. д-р Татјана Бошков, и продеканот, доц. д-р Наташа Митева, на Факултетот за туризам и бизнис логистика денес потпишаа меморандум за соработка помеѓу двете институции. Во согласност со договореното, преку разни модели на соработка втемелени на платформа на заемна доверба и разбирање, ќе бидат реализирани разни активности што се од интерес и бенефит за двете страни.

Деканот на Факултет за туризам и бизнис логистика, проф.д-р Татјана Бошков беше дел од РЕДИ Самитот каде учествуваше како панелист со свое излагање од областа на циркуларната економија. На овој самит кој беше организиран во неколку панел сесии учествуваа амбасадорот на Шведска, амбасадорот на Австрија, владини претставници, претставници на локалната самоуправа, UNDP, EIB и останати, чиј фокус беше насочен кон предизвиците кои произлегуваат од Зелената Агенда на Западен Балкан.

На 26.12.2022 година деканот и продеканот на Факултет за туризам и бизнис логистика, проф.д-р Татјана Бошков и проф.д-р Наташа Митева ги доделија дипломите за завршен прв циклус на студии на 99 студенти на ФТБЛ!

Денес, дел од студентите од Факултетот за туризам и бизнис логистика, Штип ги посетија учениците од Државното средно училиште за образование и рехабилитација „Искра“ – Штип, каде беа топло пречекани.

Денес, 30.11.2022, студентите од Факултетот за туризам и бизнис логистика (наставен центар Штип) ја посетија компанијата - Адиент Сеатинг Штип, која е дел од големото Адиент семејство за производство на висококвалитетни навлаки кои се вградуваат во автомобилите на најпознатите брендови во автомобилската индустрија.