Како резултат на појавата на КОВИД-19 во кинескиот град Вухан, во целиот свет се случи ситуација на социо-економска криза и психолошки потрес. Иако социјалните активности се ограничени во повеќето земји, скоро сите несуштински индивидуални движења беа забранети поради карантин, додека локалните болници примија одеднаш илјадници критично болни КОВИД-19 и беа принудени да ги спроведуваат своите протоколи за итни случаи.

Во овој контекст, општата популација, како и повеќето здравствени работници од првите редови станаа ранливи на емоционалното влијание на инфекцијата со КОВИД-19 заради пандемијата од една страна, но и поради нејзините последици ширум светот, од друга. Прогресивно се појавија многу психолошки проблеми и важни последици во однос на менталното здравје, вклучувајќи стрес, анксиозност, депресија, фрустрација, неизвесност за време на епидемијата.

Во насока на пројавените заеднички психолошки реакции поврзани со масовниот карантин, Факултетот за туризам и бизнис логистика на 19.03.2021 година го одржа вториот вебинар на тема: “Ковид, менталното здравје и “lockdown” стории:како да си помогнеме?”

Настанот го отворија проректорот за настава и студенти при  Универзитетот “Гоце Делчев” – Штип - проф.д-р Мишко Џидров и деканот на Факултетот за туризам и бизнис логистика – проф.д-р Татјана Бошков.

Почесни гости излагачи на оваа тема беа проф.д-р Александра Жежова која го анализираше влијанието на медиумите и дезинформациите во време на КОВИД 19: менталното здравје и општествените девијации, проф. д-р Мирослав Пендароски чиј осврт беше на психо-социјалните феномени на долготрајното себеоттуѓување и проф.д-р Елеонора Серафимовска која ги детектираше психолошките аспекти на пораките пренесени преку интерактивните медиуми за време на пандемијата.

Овој настан ги исполни очекувањата на слушателите преку:

•  Детекција на влијанието на коронавирусот и долгиот период на заклучување и ограничувањата на нивоата на нашето секојдневно ментално здравје.
• Како да ги препознаете клучните знаци на вознемиреност и лошо расположение ; техники базирани на докази за управување со тешки мисли и чувства што можат да доведат до вознемиреност и лошо расположение.
• како можеме да практикуваме самосочувство како алатка за подобрување на нашето ментално здравје.
• “носење дома” практичен пакет со идеи за да помогнете во зајакнување на расположението и одржување на добро ментално здравје.

Линк од настанот: https://www.youtube.com/watch?v=CKaSVOSAaFo