Студенти од ФТБЛ на 18.11.2019 година учествуваа на Работилница за гастрономија која беше организирана од страна на Амбасадата на Италија во Македонија, во соработка со здружението „Гастро мак“.

Оваа иницијатива на Амбасадата на Италија е во рамките на Неделата на италијанска кујна во светот (18-24 ноември 2019 г.), а Италија како земја организира серија на настани со кои се промовираат италијанската ено-гастрономска култура и традиција, со посебен акцент на богатството на специјалитети и состојки типични за италијанските региони, нивната историја и традиција.

Оваа иницијатива е од светски рамки, организирана под покровителство на италијанското Министерство за надворешни работи, која се прославува со преку 1.000 настани во повеќе од 130 земји во светот. По тој повод, во Македонија беше организирана посета на светски познати готвачи од Италија, кои одржаа мастер класови и предавања за професионални готвачи, студенти и ученици на тема „Италијанска кујна – карактеристики на јужна и северна Италија“, во период 10 - 16 часот, во просториите на хотелот „Мериот“ во Скопје. За време на двете предавања беше организиран свечен коктел на кој студентите можеа да се дружат и да разменуваат искуства со предавачите и останатите учесници на обуките.