-
Создадено: Вторник, 30 Април 2024
На 29 април 2024 г. студентите кои слушаат настава во Штип од насоките Хотелско-ресторански менаџмент (IV семестар) и Гастрономија и исхрана (VI семестар) ја посетија семејната Пекарница „АН-БЛА“.
Пекарница „АН-БЛА“ е основана во 1997 година во Штип од фамилија Глигорови. „АН-БЛА“ е пионер во правење на добропознатата штипска пастрмајлија со месечно производство од 65000 пастрмајлии, а во 2014 година започнуваат со производство на замрзната храна. Посетата им овозможи на студентите да се запознаат со технолошкиот процес за добивање на замрзнат производ, како пастрмајлија, пирошки и лазањи, а исто така и со добро познатите бургер лепчиња и тост лепчиња.
Посетата во пекарницата е според наставната програма за теренска настава под менторство од доц. д-р Душица Попова.
Искрена благодарност до фамилија Глигорови за овозможената посета.
