-
Создадено: Петок, 01 Декември 2023
Како дел од Еразмус + проектот SAPE, Факултетот за туризам и бизнис логистика во соработка со ЦЕФЕ Македонија организира тридневна Работилница за развој на бизнис вештини кај младите.
Целта на работилницата е поттикнување на претприемачкиот дух кај младите, нивно оспособување за започнување и водење на бизнис активности и развој на соодветни бизнис вештини.
Работилницата ќе се реализира на 11, 13 и 15 декември 2023 г. (од 9 до 16 ч.), во просториите на Факултетот за туризам и бизнис логистика на Кампус 4, а учесниците ќе бидат ослободени од настава.
По завршување на работилницата учесниците ќе добијат Сертификат. (Во случај на поголем број на пријавени кандидати селекцијата ќе се прави по принципот „прв дојден, прв услужен“).
Пријавувањето е во тек и ќе трае заклучно со петок, 1.12.2023 г.
Сите заинтересирани студенти можат да се пријават на следниов линк:
| Пријава за учество на обуки за бизнис вештини во рамки на проектот SAPE
Во случај на надминување на бројот на пријавени, ЦЕФЕ Македонија ќе го примени правилото „прв дојден, прв услужен“. Сите некомплетни пријави нема да се разгледуваат. Организаторот го задржува правото за промена на датумот и локацијата на обуките. Организаторот го задржува правото за комбинирање на групите. Во случај на промени, ќе бидете дополнително информирани. docs.google.com |