-
Создадено: Среда, 10 Мај 2023
Вчера, 8.5.2023 г., дел од студентите од Факултетот за туризам и бизнис логистика при Универзитетот „Гоце Делчев“ во Штип (Наставен центар во Скопје) ја посетија компанијата „Дура Шило“ (Dura-Shiloh) која е глобален снабдувач на оригинални компоненти за најреномираните производители на автомобили во светот. Компанијата се наоѓа во Скопје, во Индустриската зона во Илинден.
Студентите имаа можност да видат како се реализираат процесите за производство, но и да се запознаат со применувањето на различни методи за унапредување на деловните процеси преку кои се врши испораката на производи со супериорни вредности. Посетата е вклучена во Наставната програма по предметот Системи за квалитет и стандарди што се слуша кај проф. д-р Елизабета Митрева.
Изразуваме искрена благодарност до менаџментот на „Дура Шило“ и до Дирекцијата на ТИРЗ што ја овозможија посетата.
