Денес (14.3.2023 г.) студентите на ФТБЛ кои ги слушаат предметите од областа на девизната политика, финансиите и банкарството  кај проф. д-р Татјана Бошков и проф. д-р Зоран Темелков, беа дел од предавањето „Како до кариера без бариера во банкарскиот сектор”, настан организиран во соработка со Шпаркасе банка.

Предавачите Сања Николиќ-Блажевска, Наталија Петрушевска и Ива Попдимитрова од Дирекцијата за HR на Шпаркасе банка ги споделија искуствата и најдобрите практики, што е она што регрутерите го бараат од кандидатите на интервју. Во вториот дел на настанот беше направена практична вежба - симулација на интервју каде што студентите директно учествуваа во симулирано интервју и им беа дадени совети како да ги промовираат своите вештини на интервјуата.
Исто така, на настанот беа презентирани успешни приказни на вработени кои започнале како практиканти, меѓу кои е и примерот на ФТБЛ како мотивациски пример студентите да ги искористат можностите за практикантство во Шпаркасе банка.