Деканот на Факултет за туризам и бизнис логистика, проф.д-р Татјана Бошков и сенаторот на Универзитет “Гоце Делчев”-Штип, проф.д-р Александра Жежова реализираа работна средба со директорот на Институтот за стандардизација на РС Македонија, м-р Џеват Кицара.

Како членка на ИСРСМ, Факултетот за туризам и бизнис логистика има свои претставници во техничките комитети на ова единствено национално тело за стандардизација во Република Македонија со статус на јавна установа, компетентно за подготвување, одобрување или усвојување на стандарди од сите области опфатени од Европскиот комитет за стандардизација (CEN), Меѓународната организација за стандардизација (ISO), Европскиот комитет за електротехничка стандардизација (CENELEC), Меѓународната електротехничка комисија (IEC) и Европскиот телекомуникационен институт за стандардизација (ETSI).

На оваа средба се разговараше за идните активности на двете институции во насока на поддршка на македонското стопанство при излезот на странските пазари и заштита на македонските интереси.