Факултетот за туризам и бизнис логистика стана еден од партнерите на Хрватската асоцијација за туризам и рурален развој „Klub članova Selo”.

Во насока на заедничките активности, деканот и продеканот на Факултетот за туризам и бизнис логистика, проф. д-р Татјана Бошков и доц. д-р Наташа Митева, преку нивното членство во организацискиот и програмскиот одбор се дел од тековните активности и организација на Петтиот меѓународен конгрес за руралниот туризам / “5th International Rural Tourism Congress”, што ќе се одржи во Цавтат и во Дубровник, Хрватска, од 27.4.2022 до 30.4.2022 година.

 

Како ко-организатори на Петтиот меѓународен конгрес за рурален туризам се: Хрватската академија на науките и уметностите, Факултетот за агробиотехнички науки - Осиек, Факултетот за менаџмент во туризмот и угостителството - Опатија, Високата школа во Вировитица и Балканската асоцијација за екологија. На овој меѓународен конгрес се очекуваат над 300 учесници од повеќе европски земји.

Повеќе детали за учеството со трудови на овој меѓународен конгрес ги има на следниов линк: https://kongres.klubselo.hr/