Факултетот за туризам и бизнис логистика, во соработка со Фондацијата „Аполонија“, на 17 и 18 декември во Пионерски дом во Гевгелија организираше Хуманитарен новогодишен базар, со цел собирање средства за програмата „Дејвид ван дер Веге – социјализација на децата со посебни образовни потреби од Гевгелија“.

Деканот на ФТБЛ, проф. д-р Никола Димитров, и професорите д-р Златко Јаковлев,  д-р Цане Котески, д-р Мимоза Серафимова и д-р Марија Магдинчева-Шопова на 23 и 24 ноември учествуваа на Меѓународната научна конференција „Geography, regional development and tourism“ во Шумен, Република Бугарија. Деканот и професорите од Факултетот за туризам и бизнис логистика на Конференцијата се претставија со свои научни трудови. 

Проф. д-р Никола Димитров, декан на ФТБЛ, учестуваше на Меѓународната конференција „The Balkan Peninsula of Jovan Cvijić: Historical Background and Contemporary Trends in Human Geography“, која се одржа во Тршиќ, Општина Лозница, Република Србија.

Студенти и професори на ФТБЛ на 5 и 6 декември учествуваа на Третата туристичка берза организирана од страна на Националната асоцијација за дојдовен туризам на Македонија (НАИТМ), а се одржа во хотелот „Буши“ во Скопје.

Студенти и професори на ФТБЛ учествуваа на работилница за гастрономија, организирана од страна на Амбасадата на Италија во Република Македонија во соработка со здружението „Гастро Мак“.

Седмиот Меѓународен конгрес „HOTELPLAN 2018” беше одржан на 2 и 3 ноември во Белград, во организација на Високата хотелиерска школа во Белград.