„Успехот во животот е едноставен како добар студент. Сè што треба да направите е да обрнете внимание, да работите напорно и да го дадете најдоброто. Направете нешто за што ќе ви се заблагодари вашата иднина”.

Одлуката да го продолжите своето образование на академски студии е секако една од најважните во вашиот живот. А ние, внимавајќи на брзите промени и предизвици од една страна, и новата „нормала” од друга, која наметна интензивно користење на технологијата и во образованието, имаме за цел засилено да ги исполниме современите локални и глобални побарувања.

Работиме заедно со почитување на здравствените и безбедносните стандарди, истовремено одржувајќи ја академската совршеност и персонализираното внимание што е синоним за образованието на Факултетот за туризам и бизнис логистика.

Факултетот за туризам и бизнис логистика обезбедува простор за размислување и креативност во истражувањето и наставата, сè со цел зголемување на економската способност и социјалниот просперитет. Факултетот, вработените, студентите на ФТБЛ ја преземаат општествената одговорност и се карактеризираат со нивната стручност, отвореност и желба да направат разлика.

Верни на својата улога како образовна и научна институција, ФТБЛ се гледа себеси како важен центар за меѓународна размена и соработка со странски факултети, универзитети и други научни институции, во и надвор од земјата, но и како место каде што студентите и професорите работат заедно. Нашиот факултет е посветен на принципите на правичност и еднакви можности, научен интегритет, академска слобода и особено плуралноста во темите и методологијата.

Факултетот за туризам и бизнис логистика успешно го поврза и усогласи високото образование со современите барања на економијата и општеството, држејќи чекор со сите важни достигнувања.

Бидете сигурни дека преку широкиот спектар на студиски програми ќе најдете специјалност што одговара на вашиот карактер, ќе добиете најдобро знаење и ќе ги совладате најважните вештини од соодветната област, отворајќи ви ги ширум сите врати кон извршување на посакуваната професија.

Свесни за потребата од мултидисциплинарност, вашиот успех е од клучно значење за нашата мисија. Факултетот за туризам и бизнис логистика е тука за да ве поддржи во секој чекор од патот до фазата на дипломирање.

Со нетрпение очекуваме секој да има одлична и здрава година!

Ви благодариме за вашата доверба да бидете наши студенти!