На 19 октомври 2022 г., во Галерија „Безистен“ во Штип, беше отворена третата по ред самостојна хуманитарна изложба насловена „Бакнати деца“, како дел од еден поголем серијал насловен „Бакнато време“ од проф. д-р Елизабета Митрева. 

Авторката на овие дела проф. д-р Елизабета Митрева истакна дека оваа изложба им е посветена на сите деца во условите на светската пандемија.  

Проф. Митрева истакна: „Спознавањето на детската мисла и спознавањето на детската душа е неоткриен миг до кој никогаш нема да стигнам. Преку моите слики се обидов да ја насликам вистината за детскиот свет, но и нивната тага и самотија во услови на изолација. Преку моите слики ќе му ја подарам на светот целата моја скриена вистина“. 

• Професор Митрева овие платна им ги дарува на: 
• Детското одделение при Клиничка болница – Штип; 
• Државното средно училиште за образование и рехабилитација „Искра“ – Штип; 
• Дневниот центар за деца со телесна и интелектуална попреченост;. 
• Дневниот центар за деца со аутизам; 
• Мал групен дом за деца без родители и родителска грижа во Штип. 

Исто така, проф. Митрева изразува посебна благодарност до: 

• Министерството за култура на РСМ, кои го поддржаа проектот; 
• Универзитет „Гоце Делчев“ – Штип; 
• Заводот за заштита на спомениците на културата и музеј – Штип; 
• рецензентот м-р Зоран Читкушев; 
• професорите од Музичката академија при Универзитет „Гоце Делчев“ за нивниот восхитувачки и инспиративен музички вовед во презентацијата и сите помагатели на овој настан.