Универзитетот “Гоце Делчев” – Штип и Фондацијата „Фридрих Еберт“ - Скопје беа организатори на „Енергетски самит“, при што Факултетот за туризам и бизнис логистика беше дел со учеството на Беба Бајрамовска, еден од најдобрите студенти, во улога на Претседател на Владата, а воедно и модератор на самитот.

ФТБЛ, како постојан креатор на идните успешни приказни, зема учество на овој самит, чија цел е доближување на студентите со декарбонизацијата, односно енергетската транзиција на нашата економија.

На симулацијата присуствуваа проректорот за настава, проф. д-р Мишко Џидров, деканот на Факултетот за туризам и бизнис логистика,проф. д-р Татјана Бошков, како и претставник од Министерството за транспорти врски.

ФТБЛ е засегнат во однос на потребите и можностите за праведна енергетска транзиција, бидејќи тоа ќе влијае на целиот бизнис сектор, преминот од линеарна кон циркуларна економија,фомирањето на нови зелени работни места кои бараат повисоко ниво на стандарди, со што и ќе се промени природата на бараните вештини и задачи. Активната улога на сите субјекти во програмата за енергетска транзиција со цел да се ублажат ефектите од енергетската криза, е од голема важност бидејќи климатските промени се закана како за човештвото, така и за целата економија.

Целиот настан се пренесуваше во живо на фејсбук страната на Универзитетското радио.