На 27.11.2025 година пред студентите на Факултетот за туризам и бизнис логистика, Наставен центар – Штип, се одржа предавање на тема „Современи стратегии за унапредување на деловните процеси“ во Компанијата „Адиент сеатинг“ – Штип, која е дел од големото Адиент семејство за производство на висококвалитетни навлаки кои се вградуваат во автомобилите на најпознатите брендови во автомобилската индустрија.

Студентите имаа можност да чујат како се реализираат производните процеси при изработка на навлаки за автомобилски седишта, но и примена на разни методологии за унапредување на деловните процеси во правец на испорака на производи со супериорни вредности.

Предавањето го одржаа Павлинка Тодорова - професионалец за човечки ресурси и Роберта Василева - менаџер за човечки ресурси, кои се дел од менаџерскиот тим на компанијата.

Посетата е во рамките на наставната програма по предметите Основи на маркетинг и Примена на методи и техники во системи кај проф. д-р Елизабета Митрева.

Голема благодарност до предавачите за споделеното искуство и знаење во водење на процесите.